Turxan Azad oğlu Məmmədyarov 24 dekabr 1990-cı ildə Qəbələ rayonunun Çuxur Qəbələ kəndində anadan olub. 2008-ci ildə Ə.Məmmədov adına Çuxur Qəbələ kənd orta məktəbini bitirib. 2012-ci ildə Azərbaycan Texnologiya Universitetinin yol hərəkətinin təşkili ixtisası üzrə bakalavr, 2016-cı ildə isə yerüstü nəqliyyat vasitələrinin mühəndisliyi ixtisası üzrə magistr məzunu olub.
2012-2013-cü illərdə həqiqi hərbi xidmətdə olub. 2016-cı ildən Azərbaycan Texnologiya Universitetində akademik məsləhətçi (tyutor) , Maşın mühəndisliyi və logistika kafedrasının assistenti, Yüngül sənaye mühəndisliyi və logistika fakültəsinin təlim - tərbiyə işləri üzrə dekan müavini vəzifələrində çalışıb.
2019-cu ildən Azərbaycan Texnologiya Universitetinin maşınlar, avadanlıqlar və proseslər ixtisası üzrə doktorantura pilləsinə daxil olub. 2025-ci ilin sentyabrından Yüngül sənaye mühəndisliyi və logistika fakültəsinin dekan müavini vəzifəsinə təyin olunub.
