Nəqliyyat və sənaye texnologiyaları fakültəsi haqqında

Yaranma tarixi

 

Nəqliyyat və sənaye texnologiyaları fakültəsi Çingiz İldırım adına Azərbaycan Politexnik İnstitutunun Gəncə filialında iki müstəqil fakültənin - 1978-ci ildən fəaliyyət göstərən “Mexanika” fakültəsi  və 1981-ci ildən fəaliyyət göstərən “Toxuculuq və yüngül sənayenin texnologiyası” fakültələrinin əsasında 1991-ci ildə təşkil olunub və “Yüngül sənayenin mexanikası və texnologiyası” fakültəsi adı ilə 1995-ci ilə qədər fəaliyyət göstərib. Sonralar fakültənin adı dəyişdirilərək 2015-2016-cı  illərdə “Standartlaşdırma və texnoloji maşınlar” adı ilə  fəaliyyətini davam etdirib. Daha sonra 2016-2017-ci illərdə  fakültənin adı dəyişdirilərək  “Mexanika və metallurgiya mühəndisliyi” adlanıb. 2017-ci ildən “Yüngül Sənaye Mühəndisliyi və logistika” fakültəsi adlanıb. 2026-cı il 25 fevral tarixindən Nəqliyyat və sənaye texnologiyaları fakültəsi adlanıb.

Fakültənin əməkdaşları:

Şakir Əliyev - dekan

Turxan Məmmədyarov - dekan müavini

Tyutorlar:

I kurs üzrə: Kəsəmənli Ləman 

II kurs üzrə: Quliyeva Vüsalə 

III kurs üzrə: Sadıqova Sevinc 

IV kurs üzrə: Yusubova Vəfa  

 

Fakültədə çoxpilləli tədris sistemi əsasında aşağıdakı ixtisaslar üzrə bakalavr və magistrlər  hazırlanır:

050621- “ Logistika və nəqliyyat texnologiyaları mühəndisliyi”

050632-“Nəqliyyat mühəndisliyi”

050627-“Metallurgiya mühəndisliyi”

050306- “Dizayn”

050806- “Nəqliyyatda servis”

050622- “Maşın mühəndisliyi” 

050638-“Sənaye mühəndisliyi”  

     

Nəqliyyat və sənaye texnologiyaları fakültəsində 3  kafedra fəaliyyət göstərir:

Mexanika və nəqliyyat texnologiyaları kafedrası

Kimya və metallurgiya mühəndisliyi kafedrası

Dizayn və sənaye texnologiyaları kafedrası

 

FAKÜLTƏDƏ TƏDRİS İŞLƏRİ

Fakültədə 2 professor, 25 dosent, 25 baş müəllim və 15 assistent fəaliyyət göstərir. Fakültə əməkdaşları tərəfindən 1 ədəd dərslik, 5 dərs vəsaiti, 7 metodiki göstəriş  nəşr olunmuşdur.

 

FAKÜLTƏNİN ELMİ İŞLƏRİ

Nəqliyyat və sənaye texnologiyaları fakültəsində 2024-2026-cı illərdə yerinə yetiriləcək elmi-tədqiqat işlərinin mövzuları:

1.Problem mövzu:  Yüngül sənaye məmulatlarının dizayn  layihələndirilməsində utilitar–funksional və estetik problemlərin tədqiqi.

Mövzu rəhbəri:  prof. Hacıyev İmaş Adışirin oğlu

2. Problem mövzu:  Qazax-Borçalı xalçalarının bədii xüsusiyyətlərinin tədqiqi.
Mövzu rəhbəri:  prof. Hacıyev Cahangir Əhməd oğlu

3. Problem mövzu: Məktəbli geyimlərinin erqonomik layihələn- dirilmə üsulunun işlənməsi.    
Mövzu rəhbəri:  dos. Mirzəyev Tofiq Hacı oğlu

4. Daşkəsən Zəylik Alünit Mədənindən hasil edilən alunit filizinin  ekoloji  təmiz və iqtisadi cəhətdən  daha  səmərəli kompleks emal texnologiyasının  işlənib  hazırlanması

Mövzu rəhbəri:  dos. Əmiraslanova Niyar İsmayıl qızı

5. Gəncə - Daşkəsən və Tovuz – Qazax iqtisadi rayonlarında fəaliyyət göstərən metallurgiya sənayesinin logistik sisteminin əsas istiqamətləri

Mövzu rəhbəri: prof. Səfərov Cəmil İldır oğlu 

 

Fakültə əməkdaşlarının elmi işləri

Fakültə əməkdaşlarının 2024 - cü ildə 6 məqalə Skopus bazasında, 2 məqalə WoC bazasında nəşr olunmuşdur. Eyni zamanda 5 monoqrafiya, 14 məqalə respublika jurnallarında, 26 məqalə xaricdə, 152 konfrans materialı respublikada, 11 konfrans materialı xaricdə nəşr olunub. 

 

Tələbə Elmi Cəmiyyətinin 2024-ci il üçün fəaliyyətində, əsasən  20 tələbə seminarı keçirilib.

 

Nəqliyyat və sənaye texnologiyaları  fakültəsində  aparılan tədbirlər: Fakültədə son illər universitet rəhbərliyinin köməyilə respublikada fəaliyyət göstərən istehsal  və mədəniyyət müəssisələri ilə əməkdaşlıq edilir. GəncəTekstil ASC, Gəncə şəhəri Regional mədəniyyət idarəsi, Qalaksi Türk şirkəti, Sumqayıt texnoparkının GİLTEX MM, Mingəçevir Gilan Tekstil Parkınin əyricilik fabriki, Zəyəm texnologiyalar parkı, Azərbaycan Yerüstü Nəqliyyat Agentliyi (AYNA) və  "Azərbaycan Dəmir Yolları" QSC ilə əməkdaşlıq memorandumu bağlanıb. Memorandumun əsas məqsədi Elm, təhsil ilə iqtisadiyyat (özəl sektor) arasında inteqrasiyasına, başqa sözlə, praktiki əlaqələrin genişləndirilməsinə, bu istiqamət üzrə birgə proqramların təşkilinə, habelə, şirkətə gənc kadrların cəlb edilməsi məqsədilə müvafiq tədbirlərin həyata keçirməkdir. Universitetlərarası  tələbə mübadiləsində Erasmus proqramı üzrə Rumıniyada Baxışov Hüseyn Eynulla oğlu və Həsənzadə Murad Azad oğlu İASİ Texniki Universitetində, Hacıyeva Günel Füzuli qızı və  Xəlilova Fatimə Şiraslan qızı Varşava Ekologiya və Menecment Universitetində  təhsil alıb.