Əliyev Şakir Hüseynqulu oğlu

Maşın mühəndisliyi və loqistika kafedrasının müdiri

(+994 22) 268 07 09

sh.eliyev@atu.edu.az

       Mən, Əliyev Şakir Hüseynqulu oğlu 1967 – ci ildə Azərbaycan Respublikası, Tovuz rayonu, Alakol kəndində anadan olmuşam. 1974  - cü ildə 1 –ci sinfə daxil olmuş, 1984 – cü ildə 10 – cu    sinfi  bitirmişəm.  Həmin ildə Azərbaycan Poli-texnik institutunun maşınqayırma texnolologiyası, metalkəsən dəzgahlar və alətlər ixtisasına qəbul olunmuşam. 1985 – 1987- ci ildə Sovet Ordusu sıralarında hərbi xidmətdə olmuşam. 1991-ci ildə  Azərbaycan  Texniki Universitetini həmin ixtisas üzrə bitirmişəm.

       Mən, 1991-ci il sentyabrın 16-da Azərbaycan Texnologiya İnstitutunun (indiki universitetin) Materiallar müqaviməti kafedrasına laborant vəzifəsinə qəbul olunmuş, 1991–ci il noyabr ayında baş laborant, 1995-ci ildə assistent, 2001- ci ildə baş müəllim vəzifəsində  çalışmışam. 2003-cü ildən isə universi-tetdə yeni yaradılmış maşınqayırma texnologiyası (gələcəkdə kafedranın adı dəyişdirilərək Maşın mühəndisliyi və logistika kafedrası adlandırılmışdır) kafedrasına  baş müəllim vəzifəsinə, 02 noyabr 2012- ci ildən rektorun əmrilə hal - hazırda işlədiyim Maşın mühəndisliyi və logistika kafedrasına dosent əvəzi təyin olunmuşam. 25 yanvar 2008-ci ildə Azərbaycan İnşaat və Memarlıq Universitetinin nəzdində fəaliyyət göstərən dissertasiya şurasında “Gərilmə ilə birləşdirilmiş quraşıq konstruksiya elementlərinin möhkəmliyə hesabı” mövzusunda dissertasiya müdafiə edərək 05.23.17- İnşaat mexanikası ixtisası üzrə Azərbaycan Respublikası Prezidenti yanında Ali Attestasiya Komissiyasının qərarı ilə texnika üzrə fəlsəfə doktoru alimlik dərəcəsinə və 2013 – cü ildə dosent elmi adına layiq görülmüşəm.

     2011-2013-cü illərdə universitetin Elmi katibi vəzifəsində və 2011 – 2017  - ci ildə universitet Elmi Şurasının Elmi katibi vəzifəsində çalışmışam.

     2020 – ci il 6 iyun tarixindən  Maşın mühəndisliyi və logistika kafedrasının müdiri vəzifəsində çalışıram.

2014 –  2019  - cu  illərdə Azərbaycan Dövlət Aqrar Universitetinin elmlər doktoru proqramı üzrə qiyabi doktoranturanı bitirmişəm. Dissertasiya işini yekunlaşdıraraq ilkin müdafiəni edərək sənədlərimi Respublikası Prezidenti yanında Ali Attestasiya Komissiyasına baxılmaq üçün təqdim etmişəm.