Azərbaycan Texnologiya Universitetinin rektoru v.m.i.e dos. Yaşar Ömərov ATİ fakültəsinin l kurs tələbələri ilə görüşüb.

Görüşdə tədris işləri üzrə prorektor Raqif Hüseynov, elm və innovasiyalar üzrə prorektor v.m.i.e. Mayis Gülalıyev, sosial məsələlər və ictimaiyyətlə əlaqələr üzrə müşavir Şahmar Həsənov, ATİ fakültəsi rəhbərliyi və digər struktur bölmə rəhbərləri iştirak edib.

Yaşar Ömərov yeni tədris ili münasibətilə tələbələri bir daha təbrik edib, təhsildə uğur qazanmağı arzulayıb, onlara universitetin imkanları, ictimai həyatı, tədrisin təşkili ilə bağlı məqamlar, beynəlxalq layihələr, mübadilə proqramları, universitetdə fəaliyyət göstərən tələbə cəmiyyətləri barədə məlumat verib, bu imkanlardan yararlanmağı tövsiyə edib.

Sonda tələbələri maraqlandıran suallar cavablandırılıb