Beynəlxalq Müəllimlər Günü münasibətilə baş tutan görüşdə Y.Ömərov elmi-pedaqoji əmək təcrübəsinə malik olan qocaman müəllimləri xüsusi gün münasibətilə təbrik edib, onlara cansağlığı, fəaliyyətlərində uğur və nailiyyətlər arzulayıb.

Y.Ömərov müəllimlərin cəmiyyətimizdə, dövlətimizin inkişafında rolunu və xidmətlərini xüsusi qeyd edib, universitetdə tədrisin keyfiyyətinin yüksəldilməsi, yüksəkixtisaslı gənc kadrların hazırlanması istiqamətində görülən işlərdə müəllimlərin rolunu vurğulayıb, qarşıya qoyulan hədəflərə çatmaq üçün həyata keçirilən layihələrdə bundan sonra da istər qocaman, istərsə də gənc müəllimlərin potensialından istifadə olunacağını bildirib.

Görüşün sonunda qocaman müəllimlər təltif edilib.