Türküz, yaranmışıq daim iftixar,
Xilqətdən başlanan tariximiz var,İ
ləri, iləri, Türkün əsgəri!
Allahdan utansın dönənlər geri!
Əldə sancaq, öndə süngü, qəlbdə TanrıBiz dünyanın hakimi olmaq istəriz.
İləri, iləri, Türkün əsgəri! Allahdan utansın dönənlər geri!… Bir əsgərin xatirəsinə əsasən türk ordusu bu şüarla irəliləyib. Onlar yüksək ruh və həvəslə tarixi qardaşlıq nümunəsi göstərib.
TÜİB rəhbəri ilə UTECA-nın rektoru professor Akif Süleymanovun görüşü TÜİB (Türkiyə və Azərbaycan İş Adamları və Sənayeçilər İctimai Birliyi - TÜİB) rəhbəri, UTECA Tərəfdaşlar və Himayadarlar Şurasının sədri Hüseyin Büyükfıratla Azərbaycan Texnologiya Universitetinin rektoru professor Akif Süleymanov, elm və innovasiyalar üzrə prorektor vəzifəsini müvəqqəti icra edən Yaşar Ömərov və ümumi işlər üzrə prorektor Rauf Bağırovun iştirakı ilə görüş keçirilib. Görüşdə Türkiyə universitetləri və biznes dairələri ilə UTECA-nın əməkdaşlıq imkanları və perspektivləri, həmçinin gələcək birgə fəaliyyət istiqamətləri müzakirə olunub.
Dünyada nə qədər kitab var belə,
Çalışıb, əlləşib, gətirdim ələ.
Oxudum, oxudum sonra da vardım.
Hər gizli xəzinədən bir dürr çıxardım.
Nizami Gəncəvi Kitab oxumaq keçmişimiz və gələcəyimiz arasında bir körpü yaradır.
Azərbaycan Texnologiya Universitetində növbəti tyutor hazırlığı kursu başa çatmışdır Azərbaycan Texnologiya Universitetində 2021-ci ilin 31 may tarixindən başlamış və həftənin beş iş günü olmaqla üç ay müddətində davam etmiş növbəti tyutor hazırlığı kursu başa çatmışdır. Onlayn formatda keçirilən tyutor hazırlığı kursu Universitetin “Avtomatika, informatika və telekommunikasiya” fakültəsinin dekanı Azər Hüseyn, “Yüngül sənaye mühəndisliyi və logistika” fakültəsinin dekan müavini Sədir Quliyev və “Qida mühəndisliyi” fakültəsinin dekan müavini Nəbi Mehdiyev tərəfindən aparılmışdır. Kurslarda Azərbaycan Texnologiya Universitetinin əməkdaşları və magistrları, eləcə də universitetdən kənar şəxslər olmaqla 16 nəfər iştirak etmişdir. Kursun müdavimlərinin imtahanda göstərdikləri nəticələrdən asılı olaraq müvafiq sertifikatlarla təltif olunması nəzərdə tutulur.
“Daşkəsən” dəmir filizi yatağının işlənməsinə dair ictimai müzakirə keçirilib. “Daşkəsən Dəmir Filiz” MMC ilə Daşkəsən rayon İcra hakimiyyətinin birgə təşkil etdiyi müzakirələrdə Azərbaycan Texnologiya Universitetinin əməkdaşları da iştirak edib. Azərbaycan Texnologiya Universitetini Yüngül sənaye mühəndisliyi və logistika fakultəsinin dekanı, dosent Nazim Vəliyev və Kimya və metallurgiya mühəndisliyi kafedrasının dosenti Arif Əskərov təmsil edib. Sahədə üstaçma, dəmir filizinin çıxarılması, nəqli və anbarlaşdırılması işlərində ətraf mühitə təsirin qiymətləndirilməsi sənədinin layihəsinə əsasən, əhatə dairəsinin (iş həcminin) müəyyən edilməsi məqsədilə keçirilən görüşə Gəncə Dövlət Universiteti, 10 saylı Regional Ekologiya və Təbii Sərvətlər İdarəsinin nümayəndələri, bələdiyyə və vətəndaş cəmiyyəti institutlarının təmsilçiləri də qatılıblar. İctimai iştirakçılıq haqqında qanunvericiliyə uyğun olaraq təşkil edilən görüşdə mütəxəssislər tərəfindən yataqların işlənməsinin ilkin mərhələsi, filiz mədənləri və ərazilərində ilkin vəziyyətə dair 2020-ci ilin oktyabr ayından etibarən aparılan ekoloji monitorinqlər barədə məlumat verilib. Qeyd olunub ki, istismarı aparılacaq filiz sahəsi və ətraf ərazilərdə təfsilatlı ekoloji monitorinq və tədqiqat işləri davam etdirilir. İstehsalat prosesi nəticəsində yaranan bütün növ tullantıların qanuna uyğun şəkildə idarə olunması, eləcə də su və enerji ehtiyatlarından səmərəli istifadə edilməsi və digər konkret tədbirlər sənəddə öz əksini tapacaq. Görüş iştirakçıları tərəfindən ətraf mühitə təsirin qiymətləndirilməsi sənədinin mövcud qanunvericiliyin tələblərinə uyğun işlənilməsinin və sənəddə öz əksini tapan tədbirlərin icrasının vacibliyi xüsusilə qeyd edilib. Bununla yanaşı, görüş iştirakçıları və ekspertlər tərəfindən ekoloji monitorinq və ətraf mühitin idarə edilməsi tədbirlərinə dair bir sıra təkliflər səsləndirilib. Müzakirələrin gedişində səsləndirilən təkliflər baxılması və sözügedən sənədə daxil edilməsi üçün protokollaşdırılıb. Xatırladaq ki, Azərbaycan Respublikası Prezidentinin 1 sentyabr 2020-ci il tarixli Sərəncamı ilə “AzerGold” QSC-yə ölkə ərazisində qara metal filizi yataqlarının öyrənilməsi, tədqiqi, kəşfiyyatı, işlənilməsi və idarə olunması, habelə bu sahənin inkişafına dair digər işlərlə bağlı səlahiyyətlər həvalə edilib. Sərəncamdan irəli gələn tapşırıqların icrası, dəmir filizi yataqları üzrə fəaliyyətin təşkili ilə əlaqədar bütün səhmləri Cəmiyyətə məxsus olan ilk törəmə şirkət - “Daşkəsən Dəmir Filiz” Məhdud Məsuliyyətli Cəmiyyəti ötən ildən dövlət qeydiyyatına alınaraq fəaliyyətə başlayıb. MMC Prezident İlham Əliyevin 06 avqust 2020-ci il tarixli Sərəncamına əsasən Daşkəsən dəmir filizi yataqlarının istismara verilməsi ilə bağlı kompleks işlərin icrasını davam etdirir. Bu layihənin başlıca hədəfi qısa müddət ərzində dəmir filiz yataqlarının hasilata verilməsi və qara metallurgiya məhsullarının istehsalı üçün keyfiyyətli xammala olan təlabatın ödənilməsidir.
Azərbaycan Texnologiya Unversitetində UTECA magistraturaya qəbul olunanların sayında ən yüksək nəticə 2021-ci ildə qeydə alınıb. 2021-ci ildə Azərbaycan Respublikası Dövlət İmtahan Mərkəzi tərəfindən ali təhsil müəssisələrinin magistratura səviyyəsinə keçirilən qəbul imtahanlarının nəticələrinə əsasən Azərbaycan Texnologiya Universitetinə 216 magistrant qəbul olunub. Onlardan 200 nəfəri əsas müsabiqədə, 16 nəfəri isə əlavə yerləşdirmə zamanı qeydiyyatdan keçib. Bununla da cari ildə universitetin magistratura səviyyəsinə qəbul faizi təxminən 95% təşkil edib. Bu universitetin magistraturaya qəbul tarixində ən yüksək göstəricidir. Azərbaycan Texnologiya Universitetində magistrantların sayının artırılması gələcəkdə universitetin tədqiqat universitetinə çevrilməsinə, elmi fəaliyyətin və təhsil-elm-istehsalat əlaqələrinin güclənməsinə şərait yaradacaq.
