25 noyabr tarixində Azərbaycan Texnologiya Universiteti ilə Ağsu və Şamaxı şəhərində yerləşən sənaye müəssisələri arasında memorandum imzalanıb. Bu çərçivədə Ağsuda "AzGranata" MMC-nin Şirə və Şərab Emalı Zavodunda və Şamaxıda “Şirvan şərabları” MMC-nin üzümçülük və şərabçılıq kompleksində tərəflər arasında görüş baş tutub.

Görüş zamanı kadr tələbatı, kadr hazırlığının müəssisələrin tələblərinə uyğunlaşdırılması, müasir texnologiyaların elmi əsaslarla tətbiqinin gücləndirilməsi, elmi-praktik təcrübələrin birgə aparılması, şərab turizminin inkişaf etdirilməsi kimi məsələlər müzakirə edilib, təkliflər irəli sürülüb.

Görüşlərin sonunda Azərbaycan Texnologiya Universitetinin rektor əvəzi dos.Yaşar Ömərovla "AzGranata" MMC-nin Şirə və Şərab Emalı Zavodunun idarə heyətinin sədri Ceyhun Bəxtiyarlı və "Şirvan şərabları" üzümçülük, şərabçılıq və turizm kompleksinin baş direktoru Orxan Məlikov arasında əməkdaşlıq memorandumları imzalanıb.

Qeyd edək ki, açılışında Prezident İlham Əliyevin iştirak etdiyi "AzGranata" Şirə və Şərab Emalı Zavodu 2011-ci ildən fəaliyyət göstərir. Müəssisə Cənubi Qafqaz regionunda ən böyük meyvə şirəsi istehsalçılarından biridir.

“Şirvan şərabları” üzümçülük və şərabçılıq kompleksi isə ölkə başçısının iştirakı ilə 2018-ci ildə istifadəyə verilib. Müəssisənin hədəfi illik 1,4 milyon litr şərab istehsalına nail olmaqdır.

  Noyabrın 25-də Azərbaycan Texnologiya Universitetinin rektor əvəzi dos.Yaşar Ömərovun rəhbərliyi ilə nümayəndə heyəti Ağsu və Şamaxı şəhərlərində yerləşən sənaye müəssisələrinə baş çəkib.Nümayəndə heyəti Ağsuda "AzGranata" MMC-nin Şirə və Şərab Emalı Zavodunu, Şamaxıda isə “Şirvan şərabları” MMC-nin üzümçülük və şərabçılıq kompleksini gəziblər. Onlar bu müəssisələrin infrastrukturu, tətbiq olunan müasir texnologiyalar, avadanlıqların iş prinsipi, kadr tələbatı və müəssisələrin qarşılaşdıqları problemlərlə yaxından tanış olublar.Nümayəndə heyətinə bildirilib ki, "AzGranata" Şirə və Şərab Emalı Zavodu il ərzində 50 min ton meyvə şirəsi və 12 min ton şərab hazırlamaq gücünə malikdir. Süzmə xətləri saatda 4000 və 6000 şüşə istehsal edir. 200 nəfərə yaxın işçinin çalışdığı müəssisə Almaniya, İsveçrə, İtaliya, Bolqarıstan və Fransa istehsalı olan avadanlıqlarla təchiz edilib.“Şirvan şərabları” üzümçülük və şərabçılıq kompleksi ilə tanışlıq zamanı isə bildirilib ki, müəssisənin ümumi sahəsi 310 hektardır. Kompleksin ərazisində sahəsi 4398 kvadratmetr olan şərab zavodu müasir texnologiya ilə inşa edilib və ən yeni avadanlıqlarla təchiz olunub. Hazırda məhsullarını Çin, Yaponiya və Polşaya ixrac edən müəssisə tezliklə Almaniya, Rusiya və Amerika bazarlarına çıxmağı da hədəfə alıb. Universitetin nümayəndə heyəti kompleksdə şərabçılıq turizminin inkişafı üçün görülən işlərlə də yaxından tanış olub.Nümayəndə heyətinin tərkibində müvafiq fakültə və kafedraları Qida mühəndisliyi fakültəsinin dekanı dos. Mehman İsmayılov, Qida mühəndisliyi və ekspertiza kafedrasının müdiri prof. Əhəd Nəbiyev, Turizm sənayesinin təşkili və ekologiya kafedrasının müdiri dos. Yusif Hümbətov və Qida mühəndisliyi fakültəsinin dekan müavini Nəbi Mehdizadə təmsil ediblər. Qeyd edək ki, səfər sözügedən müəssisələrlə əməkdaşlıq çərçivəsində baş tutub.    

Universitetin Tələbə Gənclər Təşkilatının təşəbbüsü ilə “ON1000” Tələbə Gənclər Təşkilatlarının dəstək proqramı çərçivəsində baş tutan yarış istiqlal şairi Əhməd Cavadın 130 illiyinə həsr olunub.15 komandanın iştirak etdiyi bilik yarışında 1-ci yeri “Gənc alimlər” komandası tutub. “Sun Shine” komandası 2-ci, “Dan ulduzu” komandası isə 3-cü yerə layiq görülüb. Sonda qalib komandalar təltif edilib. 

Azərbaycan Texnologiya Universitetində Qida mühəndisliyi fakültəsi Tələbə Elmi Cəmiyyətinin təşkilatçılığı ilə elmi konfrans keçirilibTələbə elmi konfransı “Gəncləşən elm və muasir texnologiyalar” mövzusuna həsr edilib.Azərbaycan Respublikasının Dövlət Himninin səsləndirilməsi və Vətən uğrunda canından keçən şəhidlərin xatirəsinin bir dəqiqəlik sükutla yad edilməsinin ardından Qida Mühəndisliyi fakültəsinin dekanı dos. Mehman İsmayılov və universitet Tələbə Elmi Cəmiyyəytinin sədri Aysel Məmmədli giriş sözü ilə çıxış edib, mövzunun aktuallığına diqqət çəkiblər.Professor Əhəd Nəbiyevin rəhbərliyi ilə III kurs tələbələri Tunar Quluzadə “Kaqor disert şərablarının müxtəlif texnologiya əsasında hazırlanması tətqiqi”, Dürdanə Dadaşova “Vitaminlərin insan orqanizmi üçün əhəmiyyəti”, Eltac Hüseynov “Çəhrayı süfrə şərablarının müxtəlif üsullarla hazırlanma texnologiyasının tətqiqi”, dosent Mərdan İsmayılovun rəhbərliyi ilə II kurs tələbəsi Allahverdi İbrahimli “Şərabçılıqda müasir avadanlıqlar və qurğular”, dosent Y.Yusubalıyevin rəhbərliyi ilə II kurs tələbəsi Aysel Vahidova “Diferensial tənliyin kimyada tətbiqi”, assistent Turanə Həsənovanın rəhbərliyi ilə 4-cü kurs tələbəsi Hüseyn Kərimov “Buz otellər” adlı məruzələrlə çıxış edib, auditoriyanın suallarını cavablandırıblar.Sonda elmi işlər üzrə prorektor əvəzi iqtisad elmləri doktoru Mayıs Gülalıyev, Qida mühəndisliyi və ekspertiza kafedrasının müdiri professor Əhəd Nəbiyev, Turizm sənayesinin təşkili və ekologiya kafedrasının müdiri dosent Yusif Hümbətov çıxış edərək məruzələrə dair öz fikirlərini bildirb, tələbə elmi konfranslarının davamlı və məhsuldar olması üçün bir sıra tövsiyələr veriblər.     

"ON1000" proqramı çərçivəsində Azərbaycan Texnologiya Universiteti Tələbə Gənclər Təşkilatının (UTECA TGT) təşkilatçılığı ilə "Əhməd Cavadın 130 illiyi"nə həsr olunmuş "Nə? Harada? Nə zaman?" formatında intellektual yarış keçiriləcəkdir.  

24.12.2022 12:00  

Azərbaycan Texnologiya Universiteti

İştirak üçün qeydiyyat linki :https://docs.google.com/.../1FAIpQLSfzpVfEMYzDpu.../viewform     

Azərbaycan Texnologiya Universiteti İspaniyanın Qranada Universiteti ilə Erasmus+ proqramı çərçivəsində əməkdaşlıq etməkdədir. Əməkdaşlıq çərçivəsində ATU-nun 1 magistr tələbəsinə İspaniyada bir semestr müddətinə ingilis dilində təhsil alması üçün qrant ayrılıb.

Proqrama universitetin I kurs magistr tələbələri müraciət edə bilərlər.

Proqramdan yararlanacaq tələbələrin bütün xərcləri proqram tərəfindən ödəniləcək.

Tələbələrin seçimi aşağıdakı meyarlar əsasında aparılacaq:

✓ ÜOMG

✓ Müsahibə

Müsahibədə iştirak etmək istəyən tələbələr 20 oktyabr 2023-cü il tarixinədək Beynəlxalq əməkdaşlıq şöbəsində (II korpus, otaq 2316) qeydiyyatdan keçməlidirlər.

Əlaqə: 022 257 35 78