Gəncə-Daşkəsən Regional Təhsil İdarəsinin təşkilatçılığı ilə abituriyentlərə dəstək məqsədilə Azərbaycan Texnologiya Universitetində (ATU) tədrisi aparılan ixtisasların tanıtımı keçirilib.Onlayn baş tutan tədbirdə tədris işləri üzrə prorektor Raqif Hüseynov, Avtomatika Telekommunikasiya və İnformatika fakültəsinin dekan müavini Ramil Vəliyev abituriyentlərə ATU-da tədrisi aparılan ixtisaslar və onların aktuallığı, müsabiqə balları, ayrılan plan yerləri, ötən illərin keçid balları haqda məlumat verib, onları ixtisas seçimi zamanı düzgün kodlaşdırma ilə bağlı məlumatlandırıblar.Görüşün sonunda abituriyentlərin sualları cavablandırılıb. 90 dəfə oxunub
Avropalı alim Azərbaycan Texnologiya Universitetinin tələbələrinə “masterclass” keçir.Polşanın Qlivitse şəhərində yerləşən Silesiya Texnologiya Universitetinin dosenti, elmlər doktoru Maçi Volnı (Maciej Wolny) UTECA-ya Erasmus+ proqramı çərçivəsində gəlib. 5 gün davam edəcək seminarlar Excel funksiyalarını istifadə edərək sadə statistik hesablama, məlumat təhlili, statistikanın əsas şərtləri və tədqiqatda istifadəsi, nəticələrin analizi, hipotez testlərinin aparılması, effektiv və məhsuldar tədqiqat işininin yazılması başlıqlarını əhatə edəcək.Maçi Volnı: “Xarici təcrübəni UTECA-nın tələbə və müəllim heyəti ilə paylaşmaq üçün burdayıq. Seçimimizin Azərbaycan Texnologiya Universiteti olması heç də təsadüfi deyil. Bu universitetin xarici əlaqələri çoxdur – 3 beynəlxalq proqramda iştirak edir, 11 xarici universitetlə daim tələbə-müəllim mübadilələri aparır. Bu əlaqələr tələbənin sahib olacağı ixtisasın sirlərinə daha mükəmməl yiyələnməsinə şərait yaradır. Digər tərəfdən, UTECA Webometrics reytinq cədvəlində ölkəniz üzrə ön sıralarda yer alıb. Bütün bunlar Azərbaycan Texnologiya Universitetində son illər aparılan islahatların, görülən işlərin nəticəsidir. Biz də sadalananlarla yerində tanış olmaq istədik. Düzü, universitetiniz mənim gözləntilərimin çox üstündədir. Bu mənim Azərbaycana ilk səfərimdir və mən ölkəmə Azərbaycan haqqında ancaq xoş təəssüratlarla qayıdacağam. Ümid edirəm ki, mənim Azərbaycan Texnologiya Universitetinə bu səfərim ölkələrimiz və universitetlərimiz arasında əlaqələrin daha da genişlənməsinə öz töhfəsini verəcək”.Azərbaycan Texnologiya Universitetində son illər peşəkarlar, eləcə də xarici mütəxəssislər tərəfindən verilən peşəkar dərslərinə xüsusi önəm verilir. Bu çərçivədə indiyə qədər Avropa (Erasmus+) və Türkiyə (Mevlana) universitetləri ilə 34 müəllim və tələbə mübadiləsi aparılıb. Belə dərslər ilk olaraq tələbənin təhsil aldığı sahə üzrə gələcəkdə peşəkar kadr kimi yetişməsinə böyük töhfə olur. Mühazirə və ondan sonrakı diskusiyalar həm də tələbənin elmi potensialını ortaya qoyur, dəyərli tövsiyyələr onun kamilləşməsinə təkan verir. 626 dəfə oxunub
UTECA tələbəsi qaliblər sırasında Azərbaycan Tələbə Gənclər Təşkilatları İttifaqı və Azərbaycan Memarlıq və İnşaat Universiteti Tələbə Gənclər Təşkilatının birgə keçirdiyi, ümummilli lider Heydər Əliyevin 98-ci ildönümünə həsr olunmuş “Sən elə bir zirvəsən” adlı inşa müsabiqəsinin nəticələri məlum olub. Azərbaycan Yazıçılar Birliyinin mətbuat xidmətinin rəhbəri Xəyal Rzanın münsiflik etdiyi yarışmanın nəticələrinə əsasən 3-cü yerin qalibi Azərbaycan Texnologiya Universitetinin tələbəsi Şəlalə Kazımovadır. Yarışın ikincisi Ağcəbədi Pedoqoji Kolleci tələbəsi Ramilə Mehdiyeva, birincisi isə Azərbaycan Memarlıq və İnşaat Universiteti tələbəsi Nurlanə Rəhimovadır. Qalibləri təbrik edir və uğurlar arzulayırıq! 526 dəfə oxunub
UTECA-nın xarici tələbələri elmi seminarla çıxış ediblərAzərbaycan Texnologiya Universitetinin (UTECA) Avtomatika, Telekommmunikasiya və İnformatika fakültəsində baş müəllim Aidə Məmmədovanın rəhbərliyi ilə qazaxıstanlı tələbələr - Sımbat İklasova və Sarsen İbrayev, eləcə də digər tələbələr - Sənan Rəcəbov, Hüseyn Mehdiyev “Müasir dünyada kiber təhlükəsizliyinin təminatı və axtariş sistemi” mövzusunda elmi seminarla çıxış ediblər.Tələbə elmi seminarını rektorun elm və innovasiyalar üzrə müşaviri dos.Mayıs Gülalıyev, fakültə rəhbərliyi və tələbələri, Tələbə Elmi Cəmiyyəti sədri Aysel Məmmədli izləyib.Mühazirəçilər çıxışlardan sonra onlara ünvanlanan sualları cavablandırıb, mövzu ətrafında fikir mübadiləsi aparıblar.M.Gülalıyev xarici tələbələrin aktivliyini yüksək qiymətləndirib. Çıxış edən tələbələrə uğurlar diləyərək seminarların və məqalələrinin davamlı olmasını arzulayıb, daim araşdırmalar aparmağı, öz üzərlərində çalışmağı tövsiyə edib.Seminar sonunda iştirakçılara sertifikatlar təqdim olunub. Eyni zamanda qazaxıstanlı tələbələrə Azərbaycanın tarixi haqqında kitab hədiyyə edilib. 568 dəfə oxunub
Azərbaycan Texnologiya Universitetində #təkrar #ali #təhsil almaq istəyən şəxslərin nəzərinəTəkrar ali təhsil almaq istəyənlərin qəbul prosesi Elm və Təhsil Nazirliyinin xüsusi portalı portal.edu.az vasitəsilə həyata keçirilir.Lazım olan sənədlərin siyahısı aşağıdakı kimidir:1. Diplomun və əlavəsinin notarial qaydada təsdiqi2. Şəxsiyyət vəsiqəsinin surəti3. Hərbi biletin surəti (oğlanlar üçün)4. Ərizə5. 3x4 şəkil 4 ədəd6. Əlaqə telefonu, email ünvanıSənədlərin qəbulu prosesi 31.08.2023-cü il tarixinədək davam edəcək. 121 dəfə oxunub
Azərbaycan Respublikasının Prezidenti İlham Əliyevin sərəncamıyla 2019-cu ilin “Nəsimi ili” elan edilməsilə bağlı Azərbaycan Texnologiya Universitetində “Simadan - asimana” adlı tədbir keçirilib.Tədbiri giriş sözü ilə açan Azərbaycan Texnologiya Universitetinin rektoru, professor Akif Süleymanov bildirib ki, bu il dahi mütəfəkkirin 650 illik yubileyi qeyd olunur. Sərəncam ölkə rəhbərinin sözə, sənətkara, yaradıcılığa, ədəbiyyata və ümumilikdə, Azərbaycan mədəniyyətinə verdiyi misilsiz dəyərin ifadəsidir. “Sərəncamda qeyd olunduğu kimi, Azərbaycan xalqının çoxəsrlik ənənələrinə malik bədii və fəlsəfi fikir tarixində dərin iz buraxmış mütəfəkkir-şair İmadəddin Nəsiminin zəngin irsi bu gün də insanların mənəvi-əxlaqi kamilləşməsində mühüm əhəmiyyətə malikdir”- deyə rektor bildirib.Dəyirmi masa ətrafına toplaşanlar İmadəddin Nəsiminin yaşadığı tarixi dövr, onun fəlsəfi dünyagörüşü, hürufi ideyaları, şairin ədəbi dilə göstərdiyi xidmətlər və Nəsimi yaradıcılığında tolerantlıq mövzularıyla çıxış ediblər. Tədbirdə İmadəddin Nəsiminin həyat və yaradıcılığı ilə bağlı video-çarx izlənib, UTECA tələbələrinin ifasında Nəsiminin qəzəlləri dinlənilib. 576 dəfə oxunub
