"Huawei" şirkətinin Azərbaycan Texnologiya Universiteti ilə əməkdaşlığı çərçivəsində adı çəkilən şirkət universitetin “Kompüter mühəndisliyi”, “İnformasiya texnologiyaları” və “Proseslərin avtomatlaşdırılması mühəndisliyi” ixtisaslarında təhsil alan tələbələr üçün “Huawei ICT Competition 2023 - 2024 Middle East & Central Asia (Huawei İKT Yarışması 2023 - 2024 Yaxın Şərq və Mərkəzi Asiya)” adlı müsabiqədə iştirak imkanı yaradır.Bu gündən etibarən qeyd olunan ixtisasların tələbələri Huawei şirkətinin təqdim etdiyi linkə (https://e.huawei.com/en/talent/...) daxil olaraq qeydiyyatdan keçə və müsabiqə haqqında daha ətraflı məlumat əldə edə bilərlər.Son qeydiyyat tarixi 20.10.2023-cü ildir.Müsabiqə haqqında ilkin məlumatlar aşağıda qeyd olunub:-Müsabiqə İngilis dilində olacaq;-Qeydiyyatdan keçmiş tələbələr elektron kurs materiallarına giriş əldə edəcək;-Hər bir mərhələnin sonunda tələbələrə hazırlaşdıqları elektron kurs materialları əsasında tərtib edilmiş online test imtahanı təşkil olunacaq və ən sonda isə laboratoriya imtahanı keçiriləcəkdir;-Ölkə üzrə qalib gələn komandalar növbəti mərhələdə region üzrə müsabiqələrdə iştirak etmək imkanını qazanacaq;-Tutduğu yerdən asılı olaraq qalib gələn komandalara mükafatlar təqdim olunacaq (1-ci yer üçün Huawei MateBook, 2-ci yer üçün Huawei Phone, 3-cü yer üçün Huawei Matepad).     78 dəfə oxunub

Sərbəst işlərin slaydlar və ya qrup şəklində hazırlanması..Xarici dil fənnindən dərs saatının artırılması…Birinci kursların istehsalat təcrübələrinə qatılması…Bütün bunlar UTECA tələbələrinin “Açıq qapı”da səsləndirdikləri istək və təkliflərdən olub. Tədris işləri üzrə prorektor Vüqar İsmayılovun İqtisadiyyat və idarəetmə fakültəsinin tələbələrilə açıq qapı şəraitində görüşü zamanı“UTECA-lıların” tədrislə bağlı irad, təklif, arzu və istəkləri, eləcə də problemləri dinlənilib.Gələcəyin kadrları  müraciətlərində universitetdə yaradılan şəffaf mühitə, imtahanların obyektiv keçirilməsinə, göstərilən səmimi münasibət və qayğıya görə UTECA ilə fəxr etdiklərini də bildiriblər, belə açıq qapıların təşkili üçün universitetin rektoru, professor Akif Süleymanova təşəkkür ediblər.Səmimi söhbət zamanı bəzi məsələlərə yerində aydınlıq gətirilib, tələbələrin səsləndirdikləri fikirlər qeydə alınıb.Prorektor tələbələri dinləyərkən bir sıra məsləhətlər verərək bildirib ki, onlar təhsil müddətində zamandan sərfəli istifadə etməklə bir çox nailiyyətlər əldə edə bilərlər. Belə ki, tələbələr son kursa – istehsalat təcrübəsinə cəlb olunana qədər kompyuter və ingilis dili biliklərinə daha mükəmməl yiyələnməklə ikili diplom layihəsinə qatıla bilərlər. Asudə vaxtlarını səmərəli keçirmək üçün startap layihələrinə qoşula, universitet-müəssisə əlaqələrindən, UTECA-nın yaratdığı şəraitdən, istifadə edərək öz potensiallarını sərgiləyə bilərlər.  558 dəfə oxunub

Təhsildə Keyfiyyət Təminatı Agentliyinin (TKTA) onlayn seminarı təşkil olunub  “Akkreditasiya qiymətləndirilməsində ekspertlərin rolu” Azərbaycan Texnologiya Universitetində Keyfiyyətin Təminatı Mərkəzinin təşkilatçılığı ilə Təhsildə Keyfiyyət Təminatı Agentliyinin (TKTA) onlayn seminarı təşkil olunub. Seminarın keçirilməsində məqsəd yeni redaksiyada təsdiq olunmuş “Təhsil müəssisələrinin akkreditasiyası Qaydaları”na əsasən akkreditasiya qiymətləndirilməsini həyata keçirəcək Akkreditasiya Komissiyalarının fəaliyyətində ekspert kimi iştirak etməyin əhəmiyyəti və tələblərinə dair məlumat vermək olub. “Akkreditasiya qiymətləndirilməsində ekspertlərin rolu” mövzusunda baş tutan seminarda UTECA-nın müəllimləri iştirak edib. Tədbirdə TKTA-nın Təlim və metodologiya şöbəsinin müdiri Asiman İlyasov geniş təqdimatla çıxış edib. TKTA barədə məlumat verən məruzəçi agentliyin Azərbaycan Prezidenti cənab İlham Əliyevin 29 dekabr 2019-cu il tarixli sərəncamı ilə yaradıldığını bildirib. A.İlyasov qeyd edib ki, agentliyin fəaliyyət istiqamətləri təhsil müəssisələrinin akkreditasiyasını, xarici dövlətlərin ali təhsil sahəsində ixtisaslarının tanınmasını və ekvivalentliyinin müəyyən edilməsini, həmçinin peşə təhsili üzrə qeyri-formal və informal təhsil formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi və tanınmasını həyata keçirməkdir. Yeni akkreditasiya qaydalarından danışan şöbə müdiri keyfiyyətin təminatı sisteminə də toxunub. O, agentliyin formalaşdırdığı “Ekspert bankı”na seçilmiş şəxslər üçün keyfiyyət təminatı proseslərində qiymətləndirici qismində iştirak məqsədilə müvafiq təlimlərin təşkil olunduğunu və sertifikatlaşdırıldığını diqqətə çatdırıb. A.İlyasov komissiyanın tərkibi, ekspertlərə qoyulan tələblər, ekspertin komissiyadakı fəaliyyəti barədə də iştirakçılara ətraflı məlumat verib. Seminar iştirakçıları maraqlandıran sualların cavablandırılması ilə davam edib.   514 dəfə oxunub

Azərbaycan Texnologiya Universitetinin (UTECA) Qida mühəndisliyi  fakültəsində Tələbə Elmi Cəmiyyətinin təşkilatçılığı, Turizm sənayesinin təşkili və ekologiya kafedrasının baş müəllimi İradə Xusayinovanın rəhbərliyi ilə turizm və otelçilik ixtisasının rus dili bölməsi üzrə III kurs tələbəsi İlahə Məmmədovanın “Turizm sənayesi: restoran biznesində innovativ texnologiyalar və xidmət üsulları” mövzusunda elmi seminarı keçirilib. Seminarda iaşə sahəsində texnologiya və innovasiyaların öyrənilməsi, restoranlarda və digər iaşə müəssisələrində hökm sürən bəzi tendensiyalar, restoran biznesində xidmətin təşkili keyfiyyətinin yaxşılaşdırılmasında innovativ texnologiyaların təsir aspektləri açıqlanıb. Tələbə müasir şəraitdə müəssisələrdə innovativ texnologiyaların tətbiqinin xüsusiyyətlərini təhlil edərək iştirakçıların diqqətini cəlb edib. Mühazirəçi aktual mövzuyla bağlı dinləyicilərin çoxsaylı suallarını cavablandırıb.  Seminarı rektorun elm və innovasiyalar üzrə müşaviri dos.Mayıs Gülalıyev, Elmi Tədqiqat Mərkəzinin direktoru dos.Qalibə Məmmədova, Qida mühəndisliyi fakültəsinin dekanı Mehman İsmayılov, fakültə əməkdaşları və tələbələri, Tələbə Elmi Cəmiyyətinin sədri Aysel Məmmədli, eləcə də Gəncə Destinasiya Menecmenti Təşkilatının rəhbəri Zaur Bayramov və nümayəndələri izləyiblər.         610 dəfə oxunub

Azərbaycan Texnologiya Universitetində 2023/2024-cü qəbul ili üzrə magistratura pilləsində boş qalan yerlər aşağıdakı kimidir:-İstehsalat və xidmət sahələrinin iqtisadiyyatı və idarə edilməsi - 1 yer-Marketinq (sahələr üzr) - 1 yer- Nəqliyyat xidmətləri üçün böhran və risklərin idarə edilməsi - 2 yer- Şəhər nəqliyyat şəbəkəsi və nəqliyyat xidmətlərinin təşkili - 1 yer- Biznesin təşkili və idarə edilməsi (menecment, ingilis dili) - 4 yer- Polimerlərin kimyəvi texnologiyası - 1 yer- Ətraf mühitin mühafizəsi və təbii ehtiyatlardan səmərəli istifadə olunması - 1 yer- Turizm və sosial mədəni servis xidməti - 1 yer- Biznesin təşkili və idarə edilməsi (mühasibat uçotu) - 4 yer- Biznesin təşkili və idarə edilməsi (marketinq) - 4 yer- Biznesin təşkili və idarə edilməsi (mühəndislik və idarəetmənin riskləri) - 2 yer- Biznesin təşkili və idarə edilməsi (turizm və otelçiliyin idarə edilməsi) - 3 yer- Biznesin təşkili və idarə edilməsi (vergi idarə edilməsi və vergi planlaşdırılması) - 1 yer- İnformasiya texnologiyaları və sistem mühəndisliyi - 1 yer- Elektron idarəetmə - 1yerCəmi - 28 yer     105 dəfə oxunub

UTECA IX Azərbaycan-Koreya dili nitq müsabiqəsində təmsil edilib. Bakı Dövlət Universitetində təşkil olunan tədbirdə Koreya Respublikasının ölkəmizdəki fövqəladə və səlahiyyətli səfiri Kim Tonq-op da iştirak edib. Müsabiqə iştirakçılarına uğurlar arzu edən səfir yarışın Koreya dilinin inkişafında böyük önəmindən danışaraq bildirib ki, bir ölkəyə sevgi və maraq onun tarixi və ədəbiyyatının çox oxunması ilə nəticələnir.Müsabiqədə Azərbaycan Texnologiya Universitetini Koreya dili müəllimi Ülviyyə Məmmədova və Turizm və otelçilik ixtisası I kurs tələbəsi Kənan Paşayev təmsil ediblər. Ülviyyə Məmmədova tədbirdə UTECA-da yeni yaradılmış Koreya Mədəniyyəti Mərkəzi və universitetdə Koreya dilinin tədrisi ilə bağlı təqdimatla çıxış edərək mövcud vəziyyət və gələcək perspektivlər barədə məlumat verib.Müsabiqə iki mərhələli şəkildə həyata keçirilib. UTECA tələbəsi Kənan Paşayev birinci mərhələdən uğurla keçərək ilk 10-luqda yer alıb. Səfir birinci mərhələdən keçən tələbələrin potensialını yüksək qiymətləndirərək hər birinin qalib olduğunu qeyd edib. Müsabiqədə, eyni zamanda, Samulnori (Koreya milli zərb alətləri) və K-POP rəqs performansı nümayiş etdirilib və lotereya oyunu keçirilib.Qeyd edək ki, Azərbaycan Texnologiya Universitetində 2018-2019-cu tədris ilindən etibarən Koreya dilinin tədrisinə başlanıb və regionda ilk dəfə olaraq Koreya Mədəniyyət Mərkəzi yaradılıb. 561 dəfə oxunub