Azərbaycan Texnologiya Universiteti ilə Azərbaycan Texniki Universiteti arasında əməkdaşlıq memorandumu imzalanıb Sənəd bu gün Azərbaycan Texnologiya Universitetinin rektoru vəzifəsini müvəqqəti icra edən dos. Yaşar Ömərovla Azərbaycan Texniki Universitetinin rektoru prof. Vilayət Vəliyev tərəfindən imzalanıb.Memorandumda müəllim, doktorant və dissertantların, magistr və bakalavr tələbələrinin akademik, eləcə də qabaqcıl tədris metodlarının tətbiqi və inkişaf etdirilməsi üzrə təcrübə mübadiləsi, birgə elmi-tədris layihələrin (proqramların) işlənib hazırlanması və həyata keçirilməsi, professor-müəllim heyətinin qarşılıqlı ixtisasartırmasının təşkili, aktual istiqamətlər üzrə birgə elmi-tədqiqatların aparılması, təhsil-innovativ (elmi) konsorsiumların təşkili kimi bir sıra bəndlər öz əksini tapır. 260 dəfə oxunub

  Azərbaycan Texnologiya Universitetində elmi-texniki yaradıcılıq fəaliyyətinin məhsulları sərgisi keçirilibSərgidə universitet kafedralarının elmi və texniki yaradıcılıq fəaliyyətinin məhsulları, fundamental və tətbiqi tədqiqatlar, o cümlədən texnoloji yeniliklər və innovasiyalar nümayiş etdirilib.Azərbaycan Texnologiya Universitetinin rektoru vəzifəsini müvəqqəti icra edən dos. Yaşar Ömərovla Azərbaycan Texniki Universitetinin rektoru prof. Vilayət Vəliyev sərgiyə baxış keçirib.Sərgidə tələbələrin yaradıcılıq fəaliyyətinin məhsulları da yer alıb.Sərginin keçirilməsində məqsəd elmi-texniki və tətbiqi yaradıcılığı, gənclərin biznes ideyalarını dəstəkləmək və inkişaf etdirməkdən, eləcə də universitetdə startap hərəkatının genişləndirilməsindən ibarətdir. 346 dəfə oxunub

  Azərbaycan Texnologiya Universitetinin elmi-tədqiqat fəaliyyətində əhəmiyyətli dərəcədə irəliləyişə nail olunubAzərbaycan Texnologiya Universitetində elmi-tədqiqat sahəsində son bir ildə artım dinamikası müşahidə edilib. Əhəmiyyətli dərəcədə irəliləyiş elmi-tədqiqat fəaliyyətinin statistik göstəricilərində öz əksini tapır.Belə ki, son 6 ayda professor-müəllim heyətinin 85%-dən çoxunun Google Scholar platformasında kabineti yaradılıb. Qeyd edək ki, 2020-ci ildə belə kabinetlərin sayı cəmi 3, 2021-ci ildə isə 10 olub.SCOPUS və Clarivate Analytics bazalarına daxil olan nüfuzlu elmi jurnallarda dərc edilən məqalələrin sayı 2020-ci illə müqayisədə 5 dəfə, 2021-ci illə müqayisədə isə 2.5 dəfə artıb.Belə məqalələrin sayı 2020-ci ildə 3, 2021-ci ildə 6, 2022-ci ildə isə 15 olub.Artan dinamika respublika elmi jurnallarında da özünü göstərib. Belə ki, respublika elmi jurnallarında 2020-ci ildə 92, 2021-ci ildə 77 məqalə dərc edildiyi halda, 2022-ci ildə 138 məqalə işıq üzü görüb.ATU əməkdaşları tərəfindən alınan patentlərin sayına gəlincə göstərici 2022-ci ildə 14 olub. Müqayisə üçün, 2020 və 2021-ci illərdə əldə edilən patent sayı 7 və 3 olub.Nailiyyətlər ATU-nun elmi-tədqiqat fəaliyyətində yeni dövrə qədəm qoyması ilə bağlıdır. Belə ki, kafedralarda aparılan GZİT analizi, keçirilən görüşlər, mükafatlandırma kimi stimullaşdırıcı tədbirlər, mövzulara yenidən baxılaraq kafedralararası əlaqələrinin təmin edilməsi və sənaye müəssisələrinin tələblərinə uyğunlaşdırılması müsbət nəticəsini verib.Müvafiq dövlət proqramlarının tələbləri əsas götürülərək kafedralar qarşısında qoyulan tələblər və son altı ayda 10 sənaye müəssisəsi ilə imzalanan əməkdaşlıq memorandumu Azərbaycan Texnologiya Universitetinin elmi-tədqiqat sahəsində daha çox nailiyyətlərə imza atacağından xəbər verir.     308 dəfə oxunub

Şəhid məzun Eldar Həsənlinin ailəsi Azərbaycan Texnologiya Universitetində olubEldarın atası, anası, qardaşı, həyat yoldaşı və azyaşlı qızı universitet rəhbərliyi ilə birgə adının həkk edildiyi Şəhidlər abidəsini ziyarət edib, önünə gül dəstələri düzərək ruhuna dualar oxuyublar.Ziyarət zamanı Azərbaycan Texnologiya Universitetinin (ATU) rektoru vəzifəsini müvəqqəti icra edən dos. Yaşar Ömərov şəhidin atası Müşfiq Həsənliyə belə bir vətənpərvər övlad yetişdirdiyi üçün minnətdarlıq ifadə edib, ATU-nun Eldar və onun simasında digər şəhid məzun və tələbələri ilə daim fəxr etdiyini dilə gətirib.Ziyarət çərçivəsində ailə müəllimləri ilə birgə Eldarın vaxtilə dərs keçdiyi auditoriyaları gəzib, şəhidin əziz xatirəsi tələbələrlə birlikdə yad edilib.Qeyd edək ki, Eldar Həsənli Azərbaycan Texnologiya Universitetinin informasiya texnologiyaları və sistemləri mühəndisliyi ixtisası üzrə 2019-cu il məzunudur. O, 2021-ci il 14 avqust tarixində Kəlbəcər rayonunun Yanşaq kəndi ərazisində döyüş tapşırığını yerinə yetirərkən şəhid olub.Allah rəhmət eləsin.   276 dəfə oxunub

Təhsilin İnkişafı Fondu ümummilli lider Heydər Əliyevin anadan olmasının 100-cü ildönümünə həsr olunmuş “Təhsilin İnkişafında İnnovativ Metodlar” müsabiqəsini elan edir.Müsabiqədə bakalavr və magistr tələbələri iştirak edə bilərlər.Ətraflı linkdə: bit.ly/3Ui9Luc 290 dəfə oxunub

ECAR layihəsi çərçivəsində layihə menecerlərinin növbəti görüşü keçirilib5 aprel 2023-cü il tarixində Bakı Biznes Universitetində “Azərbaycanda Rektorlar Konfransının yaradılması” Erasmus+ layihəsi çərçivəsində layihə menecerlərinin növbəti görüşü keçirilib.Tədbirdə layihə konsorsiumunun üzvü olan 15 Azərbaycan universitetinin məsul şəxsləri iştirak edib. Azərbaycan Texnologiya Universitetini isə layihə meneceri İlahə Qurbanova təmsil edib.Görüşdə layihə koordinatoru Gülşən Bayramova layihənin aralıq hesabatı ilə əlaqədar Avropa Kommissiyası tərəfindən qəbul edilmiş iradları və tövsiyyələri iştirakçıların nəzərinə çatdırıb, növbəti layihə fəaliyyətlərinin daha effektiv və səmərəli icrası üçün birgə təklif və tövsiyyələr dinlənilib.Daha sonra layihənin WP3 və WP4 iş paketlərinə uyğun olaraq nəzərdə tutulan fəaliyyətlər, beynəlxalq səfərlər, layihənin icrası ilə bağlı təşkilati və maliyyə məsələləri, eyni zamanda layihə fəaliyyətinin ictimailəşdirilməsi tədbirləri haqqında da geniş müzakirələr aparılıb. Yekunda menecerlər tərəfindən növbəti mərhələlərdə yerinə yetiriləcək işlər dəqiqləşdirilib və bir sıra tapşırıqlar qarşıya qoyulub.Qeyd edək ki, sözügedən layihənin məqsədi milli inkişaf strategiyalarına uyğun olaraq rektorlar konfransı vasitəsilə universitetlər arasında hərtərəfli əməkdaşlığı inkişaf etdirməkdir. Konfrans yerli universitetlərin təhsil proqramlarının beynəlmiləlləşməsinə və universitetlərin rəqabət qabiliyyətinin yüksəldilməsinə əsaslı dəstək olacaq.       381 dəfə oxunub