ATU-Azərbaycan Texnologiya Universiteti

Xəbərlər

Universitetimizdə ən son xəbərləri buradan əldə edin.

2023-12-15

“2022-2026 Dövlət Proqramı”na dair məlumatlandırma sessiyası keçirilib

Azərbaycan Texnologiya Universitetində (ATU) Elm və Təhsil Nazirliyi nəzdində fəaliyyət göstərən Dövlət Proqramı İdarəetmə Qrupu tərəfindən “2022-2026 Dövlət Proqramı”na dair məlumatlandırma sessiyası keçirilib.

Tədbirdə Azərbaycan Texnologiya Universitetinin tədris işləri üzrə prorektoru Raqif Hüseynov, Dövlət Proqramı İdarəetmə Qrupunun əməkdaşları Aygül İsmayılova, Nuray Əşrəfli, Gəncə-Daşkəsən Regional Təhsil İdarəsinin nümayəndəsi Pərviz Rəcəbov və ATU-nun son kurs tələbələri iştirak edib.

Prorektor Raqif Hüseynov bildirib ki, tədbirin keçirilməsində məqsəd 2024/2025-ci tədris ili üzrə “2022-2026 Dövlət Proqramı” çərçivəsində xaricdə bakalavriat və magistratura təhsilinin təşviq edilməsidir.

Daha sonra Dövlət Proqramı İdarəetmə Qrupunun əməkdaşları çıxış edərək proqrama dair ətraflı - magistratura səviyyəsi üzrə yer alan ölkələr və ixtisas istiqamətləri, seçim mərhələləri, tələb olunan sənədlər, kvota, əlavə edilən son yeniliklər barədə məlumat verib, tələbələri maraqlandıran sualları cavablandırıblar.

2023-12-14

“Dövlət orqanlarında inzibati vəzifələrin tutulması şərtləri və qaydaları” mövzusunda maarifləndirici görüş keçirilib

Azərbaycan Texnologiya Universitetində Dövlət İmtahan Mərkəzinin dəstəyi ilə “Dövlət orqanlarında inzibati vəzifələrin tutulması şərtləri və qaydaları” mövzusunda maarifləndirici görüş keçirilib.

Tədbirdə Azərbaycan Texnologiya Universitetinin Sosial məsələlər və ictimaiyyətlə əlaqələr üzrə müşaviri Şahmar Həsənov, Dövlət İmtahan Mərkəzinin (DİM) sektor müdiri Elnur Abbasov, DİM-in Gəncə Regional Bölməsinin sədri Nəsimi Məmmədov və son kurs tələbələri iştirak edib.

Tədbiri giriş sözü ilə açan Şahmar Həsənov görüşün keçirilməsində əsas məqsədin bu il məzun olacaq bakalavr və magistrları dövlət qulluğuna qəbul qaydaları ilə tanış etməkdən ibarət olduğunu bildirib.

Daha sonra DİM-in sektor müdiri Elnur Abbasov təqdimatla çıxış edərək dövlət qulluğuna qəbulla bağlı müsabiqənin şərtləri, keçirilmə qaydaları haqqında ətraflı məlumat verib. DİM-in dövlət qulluğu sahəsində fəaliyyəti, dövlət qulluğunun üstünlükləri, dövlət qulluğunun qəbul qaydaları, test imtahanında yoxlanılacaq bilik sahələri və hər sahə üzrə test tapşırıqlarının hazırlanması qaydaları ilə bağlı çıxış edib. DİM Gəncə Regional Bölməsinin sədri Nəsimi Məmmədov tələbələrin məzun olduqdan sonra dövlət qulluğu imtahanlarında iştirak edəcəklərinə və uğurlu nəticələrə nail olacaqlarına əminlik ifadə edib.

Sonda tələbələrin sualları cavablandırılıb.

2023-12-12

ATU kollektivi Ulu Öndər Heydər Əliyevin abidəsini ziyarət edib

Azərbaycan Texnologiya Universitetinin (ATU) rektoru v.m.i.e. dos. Yaşar Ömərov və universitet kollektivi Azərbaycan xalqının Ümummilli lideri Heydər Əliyevin Gəncə şəhərinin baş meydanında ucaldılmış abidəsini ziyarət edib, Ulu Öndərin abidəsi önünə gül dəstələri qoyaraq dahi şəxsiyyətin xatirəsini ehtiramla yad edib.

2023-12-11

Ümummilli lider Heydər Əliyevin 100 illiyinə həsr edilmiş elmi seminar

Azərbaycan Texnologiya Universitetində İdarəetmə kafedrasının təşkilatçılığı ilə Ümummilli lider Heydər Əliyevin 100 illiyinə həsr edilmiş İqtisadiyyat və İdarəetmə fakültəsi tələbələrinin elmi seminarı keçirilib.

“Azərbaycanda yerli özünüidarəetmənin mövcud vəziyyəti və inkişaf perspektivləri” mövzusunda baş tutan seminarda sosial məsələlər və ictimaiyyətlə əlaqələr üzrə müşavir Şahmar Həsənov, İdarəetmə kafedrasının müdiri prof. Füzuli Məmmədov çıxış edərək Azərbaycanda yerli özünüidarəetmənin tarixinə nəzər salıb, bu sistemin formalaşmasında Ulu Öndər Heydər Əliyevin misilsiz xidmətlərini vurğulayıb, çıxış edəcək tələbələrə uğurlar arzulayıblar.

Seminarda tələbələrin təqdimatında “Dünyanı heyrətə salan insan”, “Yerli özünüidarəetmə institutunun yaranması tarixi”, “Bələdiyyələrin mülki müdafiə tədbirləri”, “Bələdiyyələrdə aktual problemlər və yenilik təşəbbüskarlığı”, “Bələdiyyələrin turizm sahəsində göstərə biləcəyi xidmətlər”, “Ekoloji mühitin qorunmasında bələdiyyələrin iştirakı”, “Bələdiyyələrin büdcə gəlirlərinin formalaşması və idarə edilməsi”, “Smart bələdiyyə modeli” başlıqlı məruzələr dinlənilib. Tədbirdə movzular ətrafında fikir mübadiləsi aparılıb, sonda tələbələr sertifikatlarla təltif edilib.

2023-12-09

“Davamlı inkişaf strategiyası: qlobal trendlər, milli təcrübələr və yeni hədəflər” adlı II beynəlxalq elmi konfrans

Azərbaycan Texnologiya Universitetinin rektoru v.m.i.e. dos.Yaşar Ömərov Mingəçevir Dövlət Universitetində keçirilən (MDU) Ümummilli Lider Heydər Əliyevin 100 illiyinə həsr olunmuş “Davamlı inkişaf strategiyası: qlobal trendlər, milli təcrübələr və yeni hədəflər” adlı II beynəlxalq elmi konfransda iştirak edib.

Yaşar Ömərov konfransın plenar iclasında çıxış edib, konfrans mövzusunun aktuallığı, bu konteksdə yerli və xarici elm adamlarının bir araya gəlməsinin əhəmiyyəti və zərurəti haqda danışıb, konfransın işinə uğurlar arzu edib.

Qeyd edək ki, tədbirə dünyanın 9 ölkəsinin ali təhsil müəssisələri, elmi tədqiqat institutları və müvafiq qurumlarından akademik heyət üzvləri, alimlər və ekspertlər qatılıb.

2023-12-08

Azərbaycan Texnologiya Universitetinin nümayəndələri Tacikistan Respublikasının paytaxtı Düşənbədə keçirilmiş "Kimya elmləri və texnologiyaları üzrə müasir innovativ trendlər" adlı beynəlxalq elmi konfransda iştirak ediblər

Konfransda Azərbaycan Texnologiya Universitetini təmsil edən Ətraf Mühitin Qorunması kafedrasının müəllimi, İnnovasiya mərkəzinin direktoru Şamo Salayev "LDH-əsaslı Fe-MG Nanokmopozitlərin ağır metalların adsorbsiyasında tətbiqi və tədqiqatın nəticələri", doktorant Elnur Arifzadə "Suların təmizlənilməsində elektrokatalitik üsulların tətbiqi" adlı elmi araşdırmalarını təqdim edərək məruzələrlə çıxış ediblər.

Şamo Salayev konfrasınsın Yüksək texnologiyalar: nanokimya və nanomaterialları adlı sesiyasına rəhbərlik edib.

Tacikistan Milli Elmlər Akademiyasının təşəbbüsü ilə keçirilən elmi konfransda Azərbaycan, Qazaxıstan, Özbəkistan, Tacikistan, Rusiya, Belarus və Ermənistan kimi MDB ölkələrinin universitet və tədqiqat mərkəzlərində çalışan alimlər iştirak edib.

Konfransda uğurla çıxış edən nümayəndə heyətləri diplom və sertifikatlarla təltif edilib.