Azərbaycan Texnologiya Universitetinin Qida Mühəndisliyi fakültəsinin iki ixtisası üzrə təhsil alan son kurs tələbələrinin istehsalat təcrübələri 2023/2024- cü tədris ilinin payız semestrində ölkəmizin aparıcı qida sənayesi və şərabçılıq müəssisələrində aparılır.
Sözügedən istehsalat təcrübəsi ötən tədris ili müddətində universitetlə müxtəlif sənaye müəssisələri arasında imzalanmış memorandumlar çərçivəsində həyata keçirilir.
Hazırda “Qida mühəndisliyi” və “Şərabçılıq” ixtisaslarının IV kurs tələbələri Gəncə, Şəmkir, Göygöl, Qəbələ, Ağsu, Şamaxı şəhərlərində təcrübə keçirlər. Onlar müasir texnologiyalarla təchiz olnmuş Qəbələ Konserv Zavodu, AzGranata Şirə və Şərab Emalı Zavodu, Şirvan Şərabları Zavodu, Gəncə Şərab-2, Gəncə Dəyirman və s. kimi müasir sənaye müəssisələrində praktik vərdişlərə yiyələnirlər.
Qeyd edək ki, indiyədək sözügedən ixtisasın tələbələrinin təcrübə müddəti tədris ilinin II semestrinə təsadüf edib. Payız mövsümünün müvafiq istehsalat sahələri üçün aktiv dövr olduğu nəzərə alınmaqla bu il ilk dəfə qida mühəndisliyi və şərabçılıq ixtisası tələbələri praktik təcrübələrə I semestrdə yiyələnirlər.
Azərbaycan Texnologiya Universitetinin şəhid məzunu Eldar Həsənlinin həyat yoldaşı Fəridə Həsənli universitetimizin doktorantura səviyyəsinə qəbul olub.
Azərbaycan Texnologiya Universitetinin rektoru v.m.i.e. dos. Yaşar Ömərov bu münasibətlər Fəridə Həsənli və şəhid məzunumuzun anası Nəzakət Həsənli ilə görüşüb. Y.Ömərov gənc tədqiqatçını təbrik edib, elmi fəaliyyətində yeni-yeni nailiyyətlər və uğurlar arzulayıb.
Qeyd edək ki, Fəridə Həsənli Ətraf mühitin texnologiyası və mühəndisliyi ixtisasında doktorantura təhsili alacaq.
Universitetdə professor-müəllim, eləcə də inzibati heyət arasında aparılan müvafiq sorğular və təkliflər də nəzərə alınaraq hazırlanmış Strateji İnkişaf Planının ilkin versiyasını strateji inkişaf və rəqəmsallaşma məsələləri üzrə müşavir Mehman Kərimov təqdim edib.
İki gün davam edən iclaslarda təhsilin keyfiyyətinin artırılması, elmi tədqiqat işinin təşviq edilməsi, innovativ yeniliklər və texnologiyaların tətbiqi, beynəlxalq əlaqələrin genişləndirilməsi, sosial tədbirlər, iş mühiti və infrastrukturun yaxşılaşdırılması və s. istiqamətlər üzrə məsələlər bir daha nəzərdən keçirilib. Rəhbər heyətin, dekan və kafedra müdirlərinin, eləcə də struktur bölmə rəhbərlərinin iştirakı ilə SİP-də təyin edilmiş məqsəd və hədəflər tək-tək müzakirə edilib, müvafiq dəyişikliklər nəzərə alınıb, bəzi məsələlərin isə Elmi Şurada müzakirə edilməsinə qərar verilib.
Bu məqsədlə “ATS Food” MMC nümayəndələri Azərbaycan Texnologiya Universitetində olub. Qarşılıqlı əməkdaşlığın imkanları və perspektivləri müzakirə edildikdən sonra hər iki müəssisə arasında əməkdaşlıq memorandumu imzalanıb. Sənədi Azərbaycan Texnologiya Universitetinin rektoru v.m.i.e. Yaşar Ömərovla “ATS Food” MMC-nin icraçı direktoru Tural Hacıyev imzalayıb.
Memorandum elmi nailiyyətlərin müəssisədə tətbiqi, təcrübə proqramları, fənn proqramlarının uyğunlaşdırılması, təlim mərkəzinin yaradılması, məzunların işlə təminatı kimi məsələləri əhatə edir.
Qeyd edək ki, “ATS Food” ölkədə qida sənayesi sektorunda fəaliyyət göstərən şirkətlər qrupudur. Şirkətin missiyası istehsal və emal sahələrini inkişaf etdirməkdir. ATS-in strukturuna un dəyirmanı, kombinə edilmiş qüvvəli yemlər zavodu, soya emalı zavodu, 2 çörək zavodu, unlu və qənnadı məmulatları fabrikləri daxildir.