Azərbaycan Texnologiya Universitetinin (ATU) Qida mühəndisliyi fakültəsində Şərabçılıq Mərkəzinin açılışı olub.

Qida mühəndisliyi və ekspertiza kafedrasının nəzdində fəaliyyət göstərəcək Şərabçılıq Mərkəzinə
Üzümün emalı texnologiyası laboratoriyası, 
şərabçılıq üzrə seminar otağı və daha bir tədris auditoriyası daxildir.

Otaqların açılış mərasimində ATU-nun rektoru v.m.i.e. dos. Yaşar Ömərov, rəhbər heyət və müvafiq fakültə, kafedra əməkdaşları iştirak edib.

Açılış zamanı bildirilib ki, yeni laboratoriya və auditoriyaların istifadəyə verilməsi şərabçılıq ixtisası tələbələrinin həm nəzəri, həm də praktik biliklərinin artırılması üçün xüsusi əhəmiyyət kəsb edir. 

Qeyd edək ki, cari tədris mövsümündə ATU-da daha bir neçə auditoriya əsaslı təmirdən sonra istifadəyə veriləcək.

Azərbaycan Texnologiya Universitetində (ATU) 2024-cü il üçün fəlsəfə doktoru proqramı üzrə doktorantura və dissertanturaya ixtisasdan qəbul imtahanı keçirilib.

İmtahan “Doktoranturaların  yaradılması və  doktoranturaya qəbul qaydaları”na uyğun həyata keçirilib. İxtisas imtahanında Azərbaycan Texnologiya Universitetinə  sənəd təqdim etmiş, xarici dil imtahanından keçid balını toplamış, fəlsəfə imtahanından məqbul qiymət almış əyani və qiyabi doktoranturaya namizəd olanlar iştirak ediblər. İmtahan Azərbaycan Respublikası Elm və Təhsil Nazirliyi tərəfindən təqdim olunan cədvələ əsasən 11 sentyabr tarixində reallaşıb.  

Azərbaycan Texnologiya Universitetinin rektoru v.m.i. e. dos. Yaşar Ömərovun sədrliyi ilə təşkil olunmuş komissiyalarda  4 ixtisas üzrə imtahan keçirilib.

Fəlsəfə doktoru proqramı üzrə 4 yerə qarşı 6 namizəd iştirak edib.

Həmin fəlsəfə doktoru proqramı üzrə dissertanturaya sənəd təqdim etmiş və xarici dil imtahanından keçid balını toplayan 4 namizəd isə ixtisas fənnindən müsahibədə iştirak edərək 2 yer uğrunda mübarizə aparıb.

İmtahanın nəticələri həmin gün namizədlərə elan olunub.

Azərbaycan Texnologiya Universitetinin rektoru v.m.i.e. dos. Yaşar Ömərov 2024/2025-ci tədris ilinə hazırlıqla bağlı iclas keçirib. İclasda rəhbər heyət, dekanlar, kafedra müdirləri, mərkəz və şöbə müdirləri iştirak edib. 

İclas çərçivəsində  ATU-nun elmi işlər üzrə prorektor əvəzi, elm və innovasiya üzrə müşavir Sahil Həmidov və Magistratura və doktorantura şöbəsinin yeni müdiri Eldəniz Bayramov kollektivə təqdim edilib.

Daha sonra Y.Ömərov iclas iştirakçılarını yeni tədris ilinin başlanması ilə əlaqədar təbrik edib, bakalavr və magistr qəbulunun nəticələri barədə qısa məlumat verib.

İclas zamanı dərs yüklərinin və dərs cədvəllərinin vaxtında hazırlanması, vaxtında təqdim olunması və yeni dərs ilində qarşıda duran digər məsələlərin icrası ilə bağlı tapşırıqlar verilib.